Mbretëria e Bashkuar do të mbajë konferencë të donatorëve për t’i ndihmuar Ukrainës

A woman holds her child in a temporary shelter at a gym of a primary school in Przemysl, near the Polish-Ukrainian border on March 12, 2022. - More than two and a half million people have fled the "senseless war" in Ukraine, the UN says -- more than half to Poland. (Photo by Louisa GOULIAMAKI / AFP) (Photo by LOUISA GOULIAMAKI/AFP via Getty Images)

19:55 | 29 Mars 2022
Gita

Mbretëria e Bashkuar do të zhvillojë të enjten një konferencë të donatorëve, si tentim për të siguruar më shumë ndihmë vdekjeprurëse për Ukrainën.

Ndihma vdekjeprurëse përfshin armët dhe pajisjet ushtarake.

Konferenca, e cila do të mbledhë shtetet që dëshirojnë të bëjnë donacion armë ushtarake në Ukrainë, do të organizohet nga Sekretari britanik i Mbrojtjes, Ben Wallace.

Gjatë vizitës në Norvegji, Wallace ka thënë se në konferencë “do të kuptojmë çfarë tjetër mund të mblidhet në botë, për t’u siguruar se Rusia nuk ka sukses në pushtimin e paligjshëm të një shteti sovran”.

Më herët gjatë këtij muaji, Mbretëria e Bashkuar ka thënë se është duke u përgatitur për të dërguar sisteme raketore për mbrojtje në Ukrainë, për të ndihmuar në shkatërrimin e tankeve dhe aeroplanëve rusë.